1. Shafin farko
  2. hidima
  3. Labarun Afrika

Burkina Faso : Matsalar Tsaro Ta Tagayyara Mutane 921,000

9 Yuli 2020 - 12:51
Lambar labari: 1053823
Burkina Faso : Matsalar Tsaro Ta Tagayyara Mutane 921,000

Kakakin MDD ya sanar da cewa, karuwar rashin tsaro a watan Yuni ya yi sanadiyyar tursasa mutane masu dinbin yawa kauracewa muhallansu a kasar Burkina Faso, kawo yanzu adadin mutanen ya kai 921,000, wanda hakan ya sa kasar ta zama a sahun gaba cikin wuraren da aka fi samun karuwar mutanen da rikici ya raba da muhallansu cikin sauri a duniya.

(ABNA24.com)  Stephane Dujarric, kakakin babban sakataren MDD Antonio Guterres, ya bayyana cewa, karuwar rashin tsaron ya yi sanadiyyar kawo tsaiko wajen gudanar da ayyukan jin kan bil Adama.

Kasar ta jima tana fama da hare haren kungiyoyin masu ikirarin jihadi.

Ofishin kula da ayyukan jin kai na MDD OCHA ya sanar da cewa, dukkan shiyyoyi 13 na kasar a halin yanzu suna fuskantar hare hare, inda mutanen da rikici ya raba da muhallansu kashi 90% ke rayuwa a cikin unguwannin da aka kebe domin tsugunar da su.

Matsalar karancin abinci ita ma na ci gaba da karuwa a yankunan, in ji ofishin hukumar OCHA.

342/